ပြည်သူ့ကာကွယ်ရေးတပ်ဖွဲ့တွေကို လက်နက်တပ်ဆင်ပေးဖို့ လုပ်ဆောင်နေပြီလို့ NUG ဝန်ကြီးပြော
ပြည်သူ့ကာကွယ်ရေးတပ်ဖွဲ့ PDFတွေကို လက်နက်တပ်ဆင်ပေးဖို့ လုပ်နေပြီး မြို့နယ်အကုန်လုံးအနှံ့‌ ရောက်အောင်တော့ စောင့်ရဦးမယ်လို့ အမျိုးသားညီညွတ်ရေးအစိုးရ သယံဇာတနဲ့ သဘာဝပတ်ဝန်းကျင် ထိန်းသိမ်းရေးဝန်ကြီး ဒေါက်တာတူးခေါင်က သူ့ရဲ့လူမှုကွန်ရက်စာမျက်နှာမှာ ဖော်ပြထားပါတယ်။

လက်ရှိမှာ NUG နဲ့ CRPH ကိုလှူဒါန်းထားတဲ့ထဲက ဒေါ်လာ (၁၇)သန်းကျော်ဘယ်ရောက်သွားပြီလဲဆိုတဲ့ ဝေဖန်ချက်တွေ ထွက်ပေါ်လာပြီးတဲ့နောက် NUG ဝန်ကြီးဘက်က အခုလိုဖော်ပြလာတာပါ။
“တနိုင်ငံလုံးမှာရှိတဲ့ သိန်းချီသော PDF တွေအတွက် လိုအပ်ချက်တွေတော့အများကြီးပါ။

တမြို့နယ်အလက် ၁၀၀ပေးဖို့ဆိုရင်တော့ ၃၃၀၀၀လိုအပ်တယ်။ လက်ရှိအလှူခံထားတဲ့ ဒေါ်လာ ၁၇သန်းဖိုးဝယ်ရင်တောင် အလက် ၅၀၀၀လောက်ပဲရမယ်။ အံ့သြဖို့‌ကောင်းတာက အဲ့ထက်မကတော့ဘူး။”လို့ ဒေါက်တာတူးခေါင်က ရေးသားထားပါတယ်။
တဖက်မှာတော့ စစ်ကောင်စီနဲ့ ဒေသကာကွယ်ရေးအဖွဲ့တွေကြားတိုက်ပွဲပြင်းထန်နေပြီး ချင်းပြည်နယ်၊ ကယားပြည်နယ်၊ စစ်ကိုင်းတိုင်းနဲ့ မကွေးတိုင်း ယောနယ်ဘက်မှာ တိုက်ပွဲတွေရှိနေပါတယ်။

NUG အစိုးရ ဝန်ကြီးပြောသလို လက်နက်တွေထောက်ပံ့မယ်ဆိုတာသိရပေမယ့် လက်ရှိမြေပြင်ကိုတော့ ရောက်မလာ သေးဘူးလို့ ဂန့်ဂေါမြောက်ပိုင်းဒေသကာကွယ်ရေးအဖွဲ့ (ပကဖ)ကနေ သိရပါတယ်။
“အစီအစဉ်အသေးစိတ်ကတော့ ထုတ်ဖော်ပြောကြားခွင့်မရှိဘူး။

ပြောခွင့်လည်းမပေးထားဘူး။ မြေပြင်မှာတော့ စစ်ကောင်စီနဲ့ထိတွေ့တဲ့အချိန်မှာ တူမီးထက်လက်နက်တွေရှိတော့ ပိုကောင်းတာပေါ့။ အခုထိတော့ ရောက်မလာသေးဘူး။”လို့ ဂန့်ဂေါပြည်သူ့ကာကွယ်ရေးအဖွဲ့ဘက်က ဆိုပါတယ်။
ဒါ့အပြင် စစ်ကောင်စီဘက်က အရပ်ဝတ်တွေနဲ့ တူမီးကိုင်ကာ ဒေသကာကွယ်ရေးပုံစံမျိုးနဲ့ လုပ်ဆောင်တာ တွေရှိတယ်ဆိုတာတွေ ကြားသိနေရတယ်လို့ သူကဆက်ပြောပါသေးတယ်။

NUG ဝန်ကြီး ဒေါက်တာတူးခေါင်ကလည်း ဒေသခံကာကွယ်ရေးတွေနဲ့ ဆက်သွယ်ဆောင်ရွက်မှုတွေ မနားမနေလုပ်နေပြီး အသွင်ယူ PDF တွေကိုသတိထားကြဖို့ ထည့်သွင်းရေးထားပါတယ်။
ဒီလို အသွင်ယူဆောင်ရွက်တယ်ဆိုတာနဲ့ပတ်သက်ပြီး စစ်ကောင်စီဘက်က တစုံတရာထုတ်ပြန်မှုမရှိသလို ပျူစောထီးဆိုတာ မရှိဘူးလို့လည်း ငြင်းဆန်ထားပါတယ်

crd-bbc

Leave a Reply

Your email address will not be published. Required fields are marked *