ရှမ်းပြည်နယ်မြောက်ပိုင်း၊ လားရှိုးနဲ့သိန်းနီမြို့နယ်ကြားမှာရှိတဲ့ နန့်တောနဲ့ဘုံမောရွာအနီးမှာ မနေ့ စက်တင်ဘာ ၂၀ရက်နေ့ညနေပိုင်းက ပလောင်ကိုးကန့်တပ်ပေါင်းစုနဲ့ စစ်ကောင်စစ်တပ်တို့ ထိတွေ့တိုက်ပွဲဖြစ်ခဲ့တယ်လို့ဒေသခံတွေကပြောပါတယ်။

တိုက်ပွဲဖြစ်ရာနေရာဟာ တရုတ်မြန်မာကုန်သွယ်မှုစစ်ဆေးရေးဂိတ်တစ်ခုဖြစ်တဲ့ ရေပူစစ်ဆေးရေးဂိတ်နဲ့နီးတဲ့ စီးပွားရေးအတွက် အဓိကကျတဲ့နေရာတစ်ခုဖြစ်ပြီးအရင်ကတော့ ဒီနေရာတွေမှာထိတွေ့တိုက်ပွဲတွေမရှိခဲ့ဘူးလို့ဒေသခံတွေကပြောပါတယ်။

“လားရှိုးနဲ့သိန်းနီကြားမှာဆိုရင်ကိုးကန့်တပ်ပေါင်းစုနဲ့တပ်မတော်တိုက်ပွဲဖြစ်တာမရှိခဲ့ဖူးဘူး။အဲ့ဒီနေရာမှာရေပူစစ်ဆေးရေးဂိတ်ရှိတယ်။ ကုန်သွယ်မှုကိုစစ်ဆေးတဲ့ အဓိကသွားတဲ့ပင်မဂိတ်ပေါ့။ တရုပ်ပြည်ဘက်က နိုင်ငံခြားကုန်သွယ်မှုတွေကို

စစ်ဆေးပြီးအကောက်အခွန်ကောက်တဲ့ ဂိတ်ရှိတယ်။ အဓိက တရုတ်ပြည်ဘက်ကလာတဲ့ကုန်ပစ္စည်းရော ဒီဘက်ကသွားတဲ့ ပစ္စည်းရော အဲ့ဒီနေရာကိုရှောင်ကွင်းသွားလို့ရတဲ့လမ်းမရှိဘူး။

နယ်မြေစိုးမိုးရေးလှုပ်ရှားရင်းတပ်မတော်နဲ့ထိပ်တိုက်တွေပြီးတိုက်ပွဲဖြစ်တယ်လို့ ယူဆပါတယ်”လို့ လားရှိုးဒေသခံတစ်ဦးက ဘီဘီစီကိုပြောပါတယ်။


မနေ့ကညနေ၄နာရီလောက်ကဖြစ်ခဲ့တဲ့ဒီတိုက်ပွဲကြောင့်ယာဉ်ကြောပိတ်ဆို့မှုတွေလည်းရှိခဲ့ပြီးဒီဂိတ်ဟာကုန်သွယ်မှုစီးဆင်းရာပင်မဂိတ်ဖြစ်တဲ့အတွက် တိုက်ပွဲတွေထပ်ဖြစ်လာနိုင်ခြေရှိလို့ဒေသခံတွေ၊

ခရီးသွားပြည်သူတွေအနေနဲ့သတိထားသွားလာသင့်တယ်လို လည်း လားရှိုးဒေသခံတွေကပြောပါတယ်။
ဘီဘီစီမြန်မာပိုင်း
ဓါတ်ပုံ-Social Media
ပုံစာ-သိန်းနီ – ရေပူကုန်စစ်ဂိတ်တနေရာ (ပုံဟောင်း)
ဒီသတင်းအပါအဝင်နောက်ဆုံးရသတင်းစုစည်းချက်

Leave a Reply

Your email address will not be published. Required fields are marked *