စစ်ကောင်စီကစီစဉ်ထားတဲ့ အထွေထွေရွေးကောက်ပွဲတွေ ဒီနှစ်အတွင်း ကျင်းပဖြစ်မယ်ဆိုတာ တပ်အပ်မပြောနိုင်သေးဘူးလို့ မြန်မာစစ်ကောင်စီ ပြောခွင့်ရသူ ဗိုလ်ချုပ်ဇော်မင်းထွန်းက ဗွီအိုအေကို ပြောပါတယ်။ စစ်ကောင်စီရဲ့ ကတိကဝတ်အတိုင်း ရွေးကောက်ပွဲကျင်းပဖို့ ကြိုးပမ်းနေပေမယ့်၊ အနှောက်အယှက်တွေ ရှိနေတယ်လို့လည်း ပြောပါတယ်။ စစ်ကောင်စီ ပြန်ကြားရေး ဒုဝန်ကြီးလည်းဖြစ်၊

စစ်ကောင်စီပြောခွင့်ရသူလည်းဖြစ်တဲ့ ဗိုလ်ချုပ်ဇော်မင်းထွန်းကို ရန်ကုန်ကနေ မမေခ ဆက်သွယ်မေးမြန်းထားပါတယ်

မမေခ။ ။တနေ့က ဗိုလ်ချုပ်မှူးကြီးမင်းအောင်လှိုင်ကိုယ်တိုင်က နိုင်ငံရေးပါတီတွေနဲ့ပတ်သက်ပြီးတော့ သူပြောတာမျိုးရှိတယ်။ ရွေးကောက်ပွဲနဲ့ ပတ်သက်ပြီး သူညှိနှိုင်းမှုကိစ္စတွေလုပ်တာတာမျိုးရှိတယ်။ ဒီရွေးကောက်ပွဲနဲ့ပတ်သက်ပြီးတော့ ဗိုလ်ချုပ်တို့ဘက်က ဘယ်လို plan (အစီအစဉ်)တွေများ ချထားလဲဆိုတာ ပြောပြလို့ရမလား။

ဇော်မဲလုံး။ ။ကျွန်တော်တို့ အနေနဲ့ကတော့ အာမခံချက်ပေးပြီးသားဖြစ်တယ်။ မြန်မာနိုင်ငံမှာ ပါတီစုံဒီမိုကရေစီစနစ် ခိုင်မာစေရေး ပထမအချက်ကျွန်တော်တို့အာမခံထားတယ်။ ဒုတိယအချက်က ကျွန်တော်တို့ ဒီမိုကရေစီနဲ့ ဖက်ဒရယ်စနစ်ကို အခြေခံတဲ့ ပြည်ထောင်စုတည်ဆောက်ရေး။ ဒါ ကျွန်တော်တို့ အာမခံထားပြီးသားဖြစ်တယ်။ ပြီးရင် ဦးတည်ချက် ၅ ရပ်ထဲက နောက်ဆုံးဦးတည်ချက်မှာ

ဒီပါတီစုံဒီမိုကရေစီအရေးပေါ်ကာလ ပြဌာန်းချက်တွေ၊ ပြီးလို့ရှိရင် ပါတီစုံဒီမိုကရေစီအထွေထွေရွေးကောက်ပွဲအပေါ် လုပ်ဆောင်မယ်ဆိုတဲ့ဟာမျိုး ကျွန်တော်တို့ ပြောထားပြီးသားဖြစ်တယ်ကျွန်တော်တို့အနေနဲ့ ဒါရွေးကောက်ပွဲနဲ့ပတ်သက်ပြီး လိုအပ်လာတဲ့အခင်းအကျင်းတွေ၊ ဆောင်ရွက်ရမယ့် အခြေခံလိုအပ်ချက်တွေကို ကျွန်တော်တို့

ကြိုးစားဆောင်ရွက်လျက်ရှိတယ်။ ဟိုဘက်မှာလည်း အဖျက်လုပ်ငန်းတွေရှိပြီးသားဖြစ်တယ်။ NUG (အမျိုးသားညီညွတ်ရေးအစိုးရ) လို CRPH (ပြည်ထောင်စုလွှတ်တော်ကိုယ်စားပြုကော်မတီ) လို အဖွဲ့မျိုးတွေ တရားဝင်ပြောလာတာရှိတယ်။ တချို့ EAO (တိုင်းရင်းသားလက်နက်ကိုင်အဖွဲ့အစည်း) တွေပြောလာတာရှိတယ်။ ရွေးကောက်ပွဲနဲ့ပတ်သက်ပြီး မဖြစ်အောင်လုပ်မယ်ဆိုတာမျိုးတွေ ပြောလာတာရှိတယ်။ ကျွန်တော်တို့အနေနဲ့ကတော့ ဒါကြိုးစားလုပ်ဆောင်လျက်ရှိတယ်လို့ပဲ ပြောချင်ပါတယ်။

မမေခ။ ။ဗိုလ်ချုပ်ပြောတဲ့စကားကို ပြန်ကောက်မယ်ဆိုရင် ဒီနှစ်ထဲမှာ ရွေးကောက်ပွဲကျင်းပမယ်ဆိုတာမျိုးကို ကျွန်မတို့ မှတ်ယူလို့ရပါသလားရှင့်။

ဇော်မဲလုံးး။ ။မရပါဘူး။ ကြိုးစားလုပ်ဆောင်လျက်ရှိတယ်လို့ ကျွန်တော်ပြောခြင်းပဲဖြစ်ပါတယ်။ ဒီကြားထဲမှာ အဖျက်အမှောင့်လုပ်ငန်းတွေ မျိုးစုံရှိတယ်။ ကျွန်တော်တို့ရဲ့ ရည်ရွယ်ချက်၊ ကျွန်တော်တို့ရဲ့ လုပ်ဆောင်ချက်သည် ဘာကိုသွားမလဲဆိုတော့ နိုင်ငံတော်ဝန်ကြီးချုပ်လည်း ပြောပြီးသားဖြစ်တယ်။ အကြားအလတ်မရှိ ရွေးကောက်ပွဲလုပ်နိုင်အောင်လုပ်မယ်။ ၂၀၁၀၊ ၂၀၁၅၊ ၂၀၂၀့ရွေးကောက်ပွဲတွေ ကျွန်တော်တို့လုပ်ခဲ့တယ်။ ၂၀၁၀မှာ ၃၂၅မြို့နယ်၊ ၂၀၁၅မှာ ၃၂၃ပေါ့နော်။

ဒီဘက်မှာကျတော့ target လျော့သွားတဲ့ဟာမျိုးရှိတယ်။ အဲလိုမျိုးရှိတဲ့အတွက်ကြောင့်မလို့ ကျွန်တော်တို့ဘက်ကတော့ ပြည်သူလူထုအားလုံးသည် ဒီမိုကရေစီအခွင့်အရေးကို တန်းတူညီမျှခံစားခွင့်ရှိတယ်။ မိမိရဲ့ မဲပေးဆန္ဒဖော်ထုတ်မှုကို ပြည်သူတွေအားလုံးပြန့်ပြန့်နှံ့နှံ့လုပ်ဆောင်နိုင်ဖို့ ကျွန်တော်တို့ ဆောင်ရွက်လျက်ရှိတယ်။ အဲဒီလိုဆောင်ရွက်လျက်ရှိတဲ့နေရာမှာ အဖျက်လုပ်ငန်းတချို့လည်းရှိပါတယ်။

ဒါမြင်တဲ့အတိုင်းပဲဖြစ်တယ်။ NUG CRPH လိုအဖွဲ့တွေ၊ ကျန်တဲ့ တချို့ပြည်ပနိုင်ငံက အဖွဲ့တွေ အသိအမှတ်မပြုဘူးဆိုတဲ့အဖွဲ့တွေရှိတယ်။ ကျွန်တော်တို့အနေနဲ့ ဒီရွေးကောက်ပွဲနဲ့ပတ်သက်လာပြီး ကတိကဝတ်ထားတဲ့အတိုင်း ဒါအခြေခံလိုအပ်ချက်တွေ၊ ဖြည့်ဆည်းပေးရမှာတွေ လုပ်ဆောင်လျက်ရှိတယ်။ လုပ်လည်းလုပ်ဆောင်နေတယ်လို့ ကျွန်တော်ပြောခြင်းဖြစ်တယ်။

မမေခ။ ။ဒီနှစ်အတောအတွင်းမှာ ဒီလိုမျိုးအတိုက်အခိုက်တွေကလည်း အရမ်းများနေတဲ့အချိန်မှာ ရွေးကောက်ပွဲက ကျင်းပနိုင်ချေေရော ရှိပါသလား

ဇော်မဲလုံး။ ။ကျင်းပနိုင်ဖွယ်ရှိမရှိဆိုတာကတော့ ဒါသည် အခြေအနေပေါ်မှာပဲ မူတည်လိမ့်မယ်။ ကျွန်တော်တို့ကတော့ ဖြစ်နိုင်တာကို အမြဲတမ်းကြိုးစားလုပ်ဆောင်လျက်ရှိတယ်။ ဖြစ်နိုင်တဲ့အခင်းအကျင်းတွေကိုလည်း ဆောက်ရွက်လျက်ရှိတယ်။ မနေ့ကဆိုရင် အားလုံးသိတဲ့အတိုင်းပဲ။ နိုင်ငံရေးပါတီတွေနဲ့ ပတ်သက်ပြီး နိုင်ငေံရေးပါတီတွေ လိုအပ်တဲ့မှတ်ပုံတင်ခြင်းဥပဒေကို ပြဌာန်းမယ့်ဟာတွေ ပြင်ဆင်မယ့်ဟာတွေနဲ့ ပတ်သက်ပြီး ဒါကျွန်တော်တို့ အခြေခံဆောင်ရွက်လျက်ရှိတယ်။

ဒီဟာတွေ နိုင်ငံရေးပါတီတွေနဲ့ပတ်သက်ပြီးတော့ ဒီလိုလုပ်ဆောင်ရခြင်းဟာလည်း မြန်မာနိုင်ငံမှာ နိုင်ငံရေးပါတီပေါင်း ၉၀ ကျော်ရှိတယ်။ တကယ်ရွေးကောက်ပွဲနိုင်တာ ၈၀ ကျော်လောက်ပဲဝင်နိုင်တယ်။ အဲဒါပြီးရင် တကယ့်ရွေးကောက်ပွဲမှာ အရွေးခံနိုင်တဲ့ပါတီပေါ့နော် လွှတ်တော်ကိုယ်စားလှယ်တစ်ယောက် နှစ်ယောက်ကနေစပြီးတော့ ရွေးချယ်ခံရတဲ့ပါတီသည် ဆယ်ဂဏန်းလောက်ပဲရှိတယ်။

ဒါကြောင့်မလို့ ကျွန်တော်တို့အနေနဲ့ နိုင်ငံတခုတိုးတက်ဖို့ နိုင်ငံရေးအရ အင်အားစုများစုစည်းညီညွတ်ရေး၊ စီးပွားရေးအရအင်အားစုများ စုစည်းညီညွတ်ရေးသည် အရေးကြီးတဲ့အတွက် ကျွန်တော်တို့က ပြည်သူလုထုတရပ်လုံးကို ကိုယ်စားပြုနိုင်တဲ့ ခိုင်မာတောင့်တင်းတဲ့ နိုင်ငံရေးပါတီတွေပေါ်ထွက်လာဖို့အတွက် ကျွန်တော်တို့ ဆောင်ရွက်ခြင်းဖြစ်တယ်လို့ပဲ ပြောချင်တယ်။

မမေခ။ ။ဒီနှစ်အတောအတွင်းမှာ ေွရးကောက်ပွဲများ မကျင်းပနိုင်ဘူးဆိုရင် ဒါဟာ ဖွဲ့စည်းပုံနဲ့ ကျော်လွန်တယ်ဆိုတဲ့ သုံးသပ်ချက်တွေ ထွက်လာမယ့် အလားလာတွေဖြစ်နေတာပေါ့နော်။ ဒီအပေါ်မှာရော ဗိုလ်ချုပ်တို့ ဘာများပြောနိုင်ပါသလဲရှင့်။

ဇော်မဲလုံး။ ။ရွေးကောက်ပွဲကျင်းပနိုင်မယ် မကျင်းပနိုင်ဘူးဆိုတာ ပြောဖို့ သိပ်ကိုစောလွန်းတဲ့ အခြေအနေမျိုးဖြစ်ပါတယ်။ ကျွန်တော်တို့အနေနဲ့ကတော့ ကျွန်တော်တို့ရဲ့ ဦးတည်ချက် (၅)ရပ်ရဲ့ နောက်ဆုံးအချက်ဖြစ်တဲ့အတိုင်းပဲ အမြဲတမ်းကြိုးစားလုပ်ဆောင်နေတယ်လို့ပဲ ပြောချင်ပါတယ်VOA Burmese

Leave a Reply

Your email address will not be published. Required fields are marked *