ဇူလိုင် ၂၅
တာဝန်မဲ့ထွက်ခွာမှုအတွက် တယ်လီနောကုမ္ပဏီအပေါ် တိုင်ကြားသည့် စာတစ်စောင်ကို နိုင်ငံတကာ ကော်ပိုရေးရှင်းများရေးရာ သုတေသနစင်တာ (SOMO) က မြန်မာနိုင်ငံအခြေစိုက် အရပ်ဘက်အဖွဲ့ အစည်း ၄၇၄ ဖွဲ့ ကိုယ်စား နော်ဝေနိုင်ငံ OECD တိုင်ကြားရေးဌာနသို့ ပေးပို့ခဲ့သည်
တယ်လီနော၏ မြန်မာနိုင်ငံ စီးပွားရေးလုပ်ငန်းအား M1 Group သို့ ရောင်းချခြင်းသည် The Organisation for Economic Co-operation and Development (OECD) လမ်းညွှန်ချက်များတွင် ပြဌာန်းထားသည့် တာဝန်သိ စီးပွားရေးလုပ်ငန်း ရုပ်သိမ်းထွက်ခွာမှု စံနှုန်းများအတိုင်း လုပ်ဆောင်ရန် ပျက်ကွက်ခဲ့ကြောင်း အောက်ပါအချက်များကို ကိုင်စွဲ၍ ယင်းတိုင်ကြားစာက အခိုင်အမာ ပြောဆိုထားသည်


၁။ တယ်လီနောအနေဖြင့် ဖြစ်ပေါ်လာနိုင်သော အန္တရာယ်များနှင့် စပ်လျဉ်း၍ သင့်လျော်သည့် တင်ကြို ကနဦး အသေးစိတ်စစ်ဆေးမှု ပြုလုပ်ရန် ပျက်ကွက်ခဲ့သလို၊ လုပ်ငန်းရောင်းချမှုကြောင့် မြင့်တက်လာနိုင်ဖွယ်ရှိသည့် သုံးစွဲသူများအပေါ် လူ့အခွင့်အရေး ဆိုးကျိုးသက်ရောက်မှုများအား ကာကွယ်ရေး သို့မဟုတ် လျော့ချရေး အတွက် ကြိုးပမ်းရန် ပျက်ကွက်ခဲ့ခြင်း
၂။ တယ်လီနောအနေဖြင့် တယ်လီနောမြန်မာအား M1 Group သို့ ရောင်းချမှုနှင့် ပတ်သက်၍ ယခုတိုင်ကြားစာတွင် လက်မှတ်ထိုးထားသည့် မြန်မာနိုင်ငံအခြေစိုက် အရပ်ဘက်အဖွဲ့အစည်းများ အပါအဝင် သက်ဆိုင်ရာ ပါဝင်ပတ်သက်သူများနှင့် ဆွေးနွေးတိုင်ပင်ညှိနှိုင်းရန် ပျက်ကွက်ခဲ့ခြင်း


၃။ တယ်လီနောအနေဖြင့် ၎င်းတို့၏ မြန်မာနိုင်ငံမှ ထွက်ခွာရေး ဆုံးဖြတ်ချက်နှင့် ပတ်သက်၍ ပွင့်လင်းမြင်သာမှု မရှိခဲ့ခြင်း တို့ဖြစ်သည်
M1 Group သို့ တယ်လီနော၏ ရောင်းချမှုသည် ၂၀၂၁ ခုနှစ် ဖေဖော်ဝါရီ ၁ ရက်နေ့ အာဏာ သိမ်းမှုနောက်ပိုင်း မြန်မာစစ်တပ်မှ ငြိမ်းချမ်းစွာဆန္ဒထုတ်ဖော်သူများ၊ အရပ်ဘက်အဖွဲ့အစည်းများနှင့် သတင်းမီဒီယာများ အပေါ် ရက်စက်ကြမ်းကြုပ်စွာ ဖြိုခွဲမှုများ၊ အီလတ်ထရောနစ် စောင့်ကြည့်ထောက်လှမ်းရေးကရိယာများ တိုးမြှင့်တပ်ဆင်ခိုင်းမှုများ လုပ်ဆောင်ပြီးနောက်ပိုင်း ဖြစ်ပေါ်လာခြင်းဖြစ်သည်။ M1 Group သည် လက်ဘနွန်ကုမ္ပဏီတစ်ခုဖြစ်ပြီး ဘီလီယံနာ မီကာတီမိသားစုက ပိုင်ဆိုင်သည်


မီကာတီမိသားစုသည် ဆီးရီးယား၊ ဆူဒန်နှင့် ယီမင်နိုင်ငံအပါအဝင် အာဏာရှင်နိုင်ငံများနှင့် စီးပွားရေးလုပ်ဆောင်သည့် သမိုင်းကြောင်း ရှိခဲ့ပြီး၊ အကျင့်ပျက်ခြစားမှုနှင့် အကြမ်းဖက်သမားများအား ငွေကြေးထောက်ပံ့သည် ဟူသော မဖြေရှင်းရသေးသည့် စွပ်စွဲချက်များ လည်း ရှိနေသည်
မြန်မာစစ်တပ် မိုဘိုင်းဖုန်းအော်ပရေတာ Mytel နှင့် စီးပွားရေးဆက်နွယ်မှုရှိသည့် တာဝါတိုင်ကုမ္ပဏီတွင် ရင်းနှီးမြှုပ်နှံထားမှုကြောင့် ကုလသမဂ္ဂ၏ မြန်မာနိုင်ငံဆိုင်ရာ လွတ်လပ်သည့်နိုင်ငံတကာအချက်အလက်ရှာဖွေရေးမစ်ရှင်က M1 Group အား မြန်မာစစ်တပ်နှင့် စီးပွားရေး ပတ်သက်ဆက်နွယ်မှုရှိသည့် စာရင်းတွင် ၂၀၁၉ ခုနှစ်က ထည့်သွင်းဖော်ပြခဲ့ပြီး၊ Burma Campaign (UK) ကလည်း M1 Group အား အမည်ပျက်စာရင်းထဲ ထည့်သွင်းခဲ့သည်


“မြန်မာနိုင်ငံမှာ ကျွန်နော်တို့ဘဝတွေက အာဏာသိမ်းစစ်ကောင်စီရဲ့ အကြမ်းဖက်မှု အန္တရာယ်နဲ့ တိုးမြှင့်လုပ်ဆောင်လာတဲ့ သူတို့ရဲ့ စောင့်ကြည့်ထောက်လှမ်းမှု အန္တရာယ် တွေအောက်မှာ ကျရောက်နေပါတယ်။ စစ်ကောင်စီရဲ့ ရာဇဝတ်မှုတွေမှာ အလိုတူအလိုပါ ပူးပေါင်းကြံစည် တာမျိုးမလုပ်ဘဲ ပြန်ပြီးမေးခွန်းထုတ် ဆန့်ကျင်နိုင်တဲ့ တာဝန်ယူ တာဝန်ခံနိုင်တဲ့ တယ်လီကွန်း ဆက်သွယ်ရေးလုပ်ငန်းတွေ ကျွန်တော်တို့ လိုအပ်ပါတယ်။ တယ်လီနောအနေနဲ့ သူတို့ရဲ့ မြန်မာစီးပွားရေးလုပ်ငန်းကို လူ့အခွင့်အရေးဆိုင်ရာ တင်ကြို ဆန်းစစ်မှု၊ ပွင့်လင်းမြင်သာမှု ဒါမှမဟုတ် ပါဝင်ပတ်သက်သူများနဲ့ ဆွေးနွေးညှိနှိုင်းမှု တွေမရှိဘဲ မသမာတဲ့ ဝယ်ယူသူတွေထံ ရောင်းချဖို့ တက်သုတ်ရိုက် လုပ်ဆောင်တာတွေဟာ ကျွန်နော်တို့ကို တုန်လှုပ်စေပါတယ်


“တယ်လီနော်အပေါ် ကျွန်နော်တို့ရဲ့ တိုင်ကြားချက်ကို အရေးတကြီး စဉ်းစားပေးဖို့ နော်ဝေနိုင်ငံက OECD နိုင်ငံအဆင့် တိုင်ကြားရေးဌာနကို ကျွန်နော်တို့ တောင်းဆိုပါတယ် လုပ်ငန်းရောင်းချမှတဆင့် ဆက်နွယ် ဦးတည်လာနေတဲ့ သတ်ဖြတ်မှုတွေနဲ့ နှိပ်စက်ညှဉ်းပမ်းမှုတွေ ပိုမိုဖြစ်ပွားလာခြင်း မရှိခင်မှာ၊ တယ်လီ‌နောရဲ့ M1 Group သို့ ရောင်းချမှုအား မဖြစ်မနေ ရပ်ဆိုင်းရပါမယ်” ဟု တိုင်ကြားမှုတွင် ပါဝင်သည့် မြန်မာနိုင်ငံမှ တက်ကြွလှုပ်ရှားသူ ကိုရဲက ပြောကြားခဲ့သည်


SOMO အဖွဲ့၏ အကြီးတန်းသုတေသီ Joseph Wilde-Ramsing က “နော်ဝေကုမ္ပဏီတွေဟာ တာဝန်ယူ တာဝန်ခံမှုရှိရှိ လုပ်ဆောင်ကြခြင်းအတွက် ကမ္ဘာ့ဂုဏ်သိက္ခာရှိ ကုမ္ပဏီတွေ ဖြစ်ပါတယ်။ ဒါပေမဲ့ OECD လမ်းညွှန်ချက်တွေနဲ့ ကုလသမဂ္ဂလမ်းညွှန် အခြေခံမူတွေကို လျစ်လျူရှုပြီး၊ တယ်လီနောရဲ့ အခုလို တာဝန်မဲ့ ထွက်ခွာမှုက မြန်မာပြည်သူတွေရဲ့ လူ့အခွင့်အရေးနဲ့ လုံခြုံရေးရာတွေအတွက် အန္တရာယ်ကြီးမားတဲ့ အခြေအနေတစ်ရပ်သို့ တွန်းပို့လိုက်သဖွယ် ဖြစ်နေတာကို တွေ့ရတော့ အလွန်ပဲ စိတ်ပျက်မိပါတယ်


“မြန်မာနိုင်ငံလိုမျိုး အန္တရာယ်များတဲ့ အခြေအနေမှာ စီးပွားရေးဝင်ရောက်လုပ်ကိုင်ပြီဆိုရင် တယ်လီနောလို ကုမ္ပဏီတွေအနေနဲ့ အကျိုးအမြတ်တစ်ခုတည်း ထက်ပိုပြီး၊ သတိရှိရှိ ဆင်ခြင်စဉ်းစားထားသင့်ပြီး၊ တာဝန်သိ ထွက်ခွာရေးအစီအစဉ်တစ်ရပ်ကိုလည်း ပြင်ဆင်ထားသင့်ပါတယ်။ တယ်လီနောရဲ့ တင်ကြို ကနဦးစုံစမ်းစစ်ဆေးမှုနဲ့ ပြင်ဆင်မှုကင်းမဲ့ခြင်းတွေက အတိမ်းအစောင်း မခံတဲ့ အခြေအနေအတွင်းက မြန်မာပြည်သူတွေကို ထားပစ်ခဲ့ဖို့ ၎င်းတို့ကို လုပ်ပိုင်ခွင့် မပေးပါဘူး”ဟု ပြောကြားခဲ့သည်


ဖွံ့ဖြိုးမှုနှင့် သဘာဝပတ်ဝန်းကျင်ရေးရာ နော်ဝေပြည်သူ့ဖိုရမ် (ForUM) ၏ တာဝန်သိ စီးပွားရေးနှင့် ရင်းနှီးမြှုပ်နှံမှုဆိုင်ရာ အကြံပေးဖြစ်သူ Diego Alexander Foss က “တယ်လီနောအနေနဲ့ အလွန်ရှုပ်ထွေးတဲ့ အခြေအနေအတွင်း ရောက်ရှိနေပြီး ရိုးရှင်းလွယ်ကူတဲ့ အဖြေမရှိဘူးဆိုတာကို ကျွန်ုပ်တို့ နားလည်ပါတယ် ဒါပေမယ့် နော်ဝေကုမ္ပဏီအားလုံးအနေနဲ့ ၎င်းတို့ ရောင်းချဖို့ ကြံရွယ်ကြချိန် အပါအဝင် တင်ကြိုကနဦး စုံစမ်းစစ်ဆေးမှုတွေ လုပ်ဆောင်ကြဖို့ ကျွန်ုပ်တို့ မျှော်လင့်နေပါတယ်။ နိုင်ငံပိုင်စီးပွားရေးလုပ်ငန်းတစ်ခုဖြစ်တဲ့ တယ်လီနော က ပွင့်လင်းမြင်သာမှုကင်းမဲ့ပြီး သက်ဆိုင်ရာ ပါဝင်သူတွေနဲ့ ဆွေနွေးညှိနှိုင်းမှု ကင်းမဲ့တယ် ဆိုတဲ့ အချက်က ပိုပြီးတော့ စိုးရိမ်စရာ ဖြစ်ပါတယ်” ဟု ပြောကြားခဲ့သည်

Leave a Reply

Your email address will not be published.